Asian Shooting: ఆసియా షూటింగ్‌లో ఇషాకు రజతం

ABN , First Publish Date - 2022-11-17T03:01:41+05:30 IST

ఆసియా ఎయిర్‌గన్‌ చాంపియన్‌షి్‌పలో హైదరాబాద్‌ షూటర్‌ ఇషాసింగ్‌ రజతంతో మెరిసింది. దక్షిణ కొరియాలో జరుగుతున్న ఈ పోటీల్లో బుధవారం భారత షూటర్లు 4 స్వర్ణాలతో సహా మొత్తం 5 పతకాలు కొల్లగొట్టారు.

Asian Shooting: ఆసియా షూటింగ్‌లో ఇషాకు రజతం

న్యూఢిల్లీ: ఆసియా ఎయిర్‌గన్‌ చాంపియన్‌షి్‌పలో హైదరాబాద్‌ షూటర్‌ ఇషాసింగ్‌ రజతంతో మెరిసింది. దక్షిణ కొరియాలో జరుగుతున్న ఈ పోటీల్లో బుధవారం భారత షూటర్లు 4 స్వర్ణాలతో సహా మొత్తం 5 పతకాలు కొల్లగొట్టారు. తొలుత జూనియర్‌ మహిళల 10 మీటర్ల ఎయిర్‌ పిస్టల్‌ ఫైనల్లో మను భాకర్‌-ఇషాసింగ్‌ హోరాహోరీగా తలపడ్డారు. చివరికి మను 17-15తో స్వల్ప ఆధిక్యంతో స్వర్ణం సాధించగా, ఇషా రజతంతో సరిపెట్టుకుంది. ఆ తర్వాత 10 మీ. మహిళల ఎయిర్‌ పిస్టల్‌లో రిథమ్‌ స్వర్ణం నెగ్గింది. పురుషుల 10 మీ. ఎయిర్‌ పిస్టల్‌ టీమ్‌ ఈవెంట్‌ ఫైనల్లో శివా-నవీన్‌-విజయ్‌వీర్‌ త్రయం 16-14తో దక్షిణ కొరియా జట్టుపై నెగ్గి పసిడి గెల్చుకుంది. పురుషుల 10 మీ. జూనియర్‌ ఎయిర్‌ పిస్టల్‌లో సాగర్‌, సామ్రాట్‌, వరుణ్‌ త్రయం 16-2తో ఉజ్బెకిస్థాన్‌ను చిత్తు చేసి స్వర్ణం కైవసం చేసుకుంది.

Updated Date - 2022-11-17T03:01:42+05:30 IST