Viral Video: షాకింగ్.. గాల్లోకి ఎగరగానే ఊడి పడిపోయిన విమానం చక్రం.. చివరకు ఏం జరిగిందంటే..

ఓ విమానం టేకాఫ్‌కు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఆ విమానం టేకాఫ్ సమయంలో దాని చక్రం నుంచి పొగ రావడం ప్రారంభమైంది. మరక్షణంలో చక్రం ఊడి కింద పడిపోయింది. చక్రం లేకుండానే ఆ విమానం వేల కిలోమీటర్ల దూరం ప్రయాణించింది. అయితే చక్రం లేకపోయినా ఆ విమానం వేరే దేశంలో సేఫ్‌గా ల్యాండ్ అయి అందరికీ ఊరటనిచ్చింది. ఈ ఘటన మంగళవారం జరిగింది. 

కార్గో విమానం బోయింగ్ 747 డ్రీమ్‌లిఫ్టర్ విమానం ఇటలీలోని టరాన్టో విమానాశ్రయం నుంచి అమెరికాలోని చార్లెస్‌టన్ ఎయిర్‌పోర్టుకు బయల్దేరింది. విమానం రన్ వే పై నుంచి టేకాఫ్ అవుతున్న సమయంలో పెద్ద పొగతో పాటు దాని చక్రం ఊడి పడింది. ఆ వీడియో సోషల్ మీడియాలో వైరల్ అయింది. ఆ విమానం ల్యాండింగ్ గురించి అధికారుల్లో అందోళన నెలకొంది. అయితే అమెరికాలో ఆ విమానం సేఫ్‌గా ల్యాండ్ అయినట్టు బోయింగ్ తెలిపింది.