డెల్టా వేరియంట్‌పై ఇమ్యూనిటీ ప్రభావం తక్కువ
ABN , First Publish Date - 2022-09-13T10:12:41+05:30 IST
కరోనా ఉత్పరివర్తనాల్లో డెల్టా వేరియంట్‌ అత్యంత ప్రమాదకరమైందని సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ(సీసీఎంబీ) శాస్త్రవేత్తలు తెలిపారు.
హైదరాబాద్‌, సెప్టెంబరు 12: కరోనా ఉత్పరివర్తనాల్లో డెల్టా వేరియంట్‌ అత్యంత ప్రమాదకరమైందని సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ(సీసీఎంబీ) శాస్త్రవేత్తలు తెలిపారు. ఇతర వేరియంట్లతో పోల్చితే డెల్టా వేరియంట్‌ మానవ రోగ నిరోధక శక్తి(ఇమ్యూనిటీ)ని సునాయాసంగా దాటుకొని వ్యాధిని కలుగజేస్తుందని పేర్కొన్నారు. ఆల్ఫా, డెల్టాతో పాటు అంతకుముందు వ్యాప్తిలో ఉన్న మరో 3 కరోనా వేరియంట్లపై సీసీఎంబీ శాస్త్రవేత్త దివ్యతేజ్‌ సౌపతి సారథ్యంలోని పరిశోధక బృందం అధ్యయనం చేసింది. ఆ వివరాలను సీసీఎంబీ సోమవారం వెల్లడించింది. డెల్టా వేరియంట్‌తో రోగనిరోధక వ్యవస్థ ప్రతిస్పందన తక్కువగా ఉందని తెలిపింది.
