Heavy rains: దశాబ్దం తర్వాత తిప్పగొండనహళ్ళికి జలకళ

బెంగళూరు: నగరానికి ప్రధానంగా తాగునీటిని అందిస్తున్న తిప్పగొండనహళ్ళి, హెసరఘట్ట రిజర్వాయర్‌లు(Tippagondanahalli and Hesaraghatta Reservoirs) దశాబ్దం తర్వాత జలకళను సంతరించుకున్నాయి. తిప్పగొండనహళ్ళి రిజర్వాయర్‌లో 46.5 అడుగుల మేరకు నీరు చేరుకుంది. ఈ రిజర్వాయర్‌(Reservoirs) గరిష్ట నీటి ప్రమాణం 69 అడుగులుగా ఉంది. ఇక హెసరఘట్టలో 19 అడుగుల మేరకు నీరు చేరుకుంది. రిజర్వాయర్‌ గరిష్ట ప్రమాణం 50 అడుగులుగా ఉంది. 

19 జిల్లాల్లో రెడ్‌ అలర్ట్‌

భారీ వర్షాల నేపథ్యంలో ఉడుపి, దక్షిణకన్నడ, కొడగు జిల్లాల్లో రెడ్‌ అలర్ట్‌(Red alert) ప్రకటించారు. ఇక ఉత్తరకన్నడ, బెళగావి, హావేరి, చామరాజనగర, చిక్కమగళూరు, శివమొగ్గ, తుమకూరులలో ఆరెంజ్‌ అలర్ట్‌(Orange Alert)ను ప్రకటించారు. ఇప్పటికే రామనగర, కోలారు, హాసన్‌, బెంగళూరు నగర, బెంగళూరు గ్రామీణ, విజయపుర, గదగ్‌, బీదర్‌, ధారవాడలలో ఎల్లో అలర్ట్‌ను ప్రకటించిన సంగతి విదితమే.