13 కోట్ల చొప్పున100 మంది ఖాతాల్లోకి ..
ABN , First Publish Date - 2022-05-30T09:53:38+05:30 IST
చెన్నై టి.నగర్లో హెచ్డీఎ్ఫసీ బ్యాంకుకు చెందిన 100 మంది ఖాతాలలో పొరపాటున తలా రూ.13 కోట్ల మేరకు నగదు జమ అయింది.
చెన్నై టీ నగర్ హెచ్డీఎ్ఫసీ నిర్వాకం
చెన్నై, మే 29(ఆంధ్రజ్యోతి): చెన్నై టి.నగర్లో హెచ్డీఎ్ఫసీ బ్యాంకుకు చెందిన 100 మంది ఖాతాలలో పొరపాటున తలా రూ.13 కోట్ల మేరకు నగదు జమ అయింది. అయితే వెంటనే ఈ విషయాన్ని గ్రహించిన అధికారులు.. హడావుడిగా ఆ నగదును వెనక్కి తీసేసుకుని తప్పు సరిదిద్దుకున్నా రు. తమ ఖాతాలలో ఒకేసారి రూ.13 కోట్లు జమ అయినట్లు వచ్చిన ఎస్ఎంఎ్సలను చూసి ఆ ఖాతాదారులు ఆశ్చర్యపోయారు. స్థానిక టి.నగర్లోని ఆ బ్యాంక్లో ఇటీవల కంప్యూటర్ సాఫ్ట్వేర్లో కొత్త మార్పులు చేపట్టారు. ఆ సందర్భంగా ఏర్పడిన సాంకేతిక లోపం కారణంగా వందమంది ఖాతాల్లో తలా రూ.13 కోట్ల మేరకు జమ అయ్యింది. ఈ విషయాన్ని కనుగొన్న బ్యాంక్ అధికారులు వెంటనే దిద్దుబాటు చర్యలు చేపట్టారు.