మేనకోటలో ఏనుగులు
ABN , First Publish Date - 2022-09-11T05:40:27+05:30 IST
చిన్నపల్లంకి పంచాయతీ పరిధిలో ఉన్న మేనకోట రిజర్వ్ ఫారెస్ట్లో గత వారం రోజులుగా రెండు ఏనుగులు సంచరిస్తున్నట్లు అటవీశాఖ సిబ్బంది తెలిపారు.
సీతంపేట: చిన్నపల్లంకి పంచాయతీ పరిధిలో ఉన్న మేనకోట రిజర్వ్ ఫారెస్ట్లో గత వారం రోజులుగా రెండు ఏనుగులు సంచరిస్తున్నట్లు అటవీశాఖ సిబ్బంది తెలిపారు. ఈ ప్రాంతానికి ఫోన్ సౌకర్యం లేదు. ప్రస్తుతం జీపీఎస్ విధానం ద్వారా గజరాజుల కదిలికలను వారు తెలుసుకుంటున్నారు. ఆయా ప్రాంతాల వైపు ప్రజలు తిరగరాదని గ్రామాలకు సమాచారం వేస్తున్నారు. కేర్ టేకర్స్ కూడా గ్రామస్థులను అప్రమత్తం చేస్తున్నారు. ఈ ప్రాంతంలో ఆహారం, నీరు పుష్కలంగా ఉండడంతో కొద్దిరోజులుగా ఏనుగులు ఇక్కడ సంచరిస్తున్నట్లు సంబంఽధిత అధికారులు తెలియజేస్తున్నారు.