వన్యప్రాణులను కాపాడుకోవాలి

డీఎఫ్‌వో అనంతశంఖర్‌

విశాఖపట్నం, అక్టోబరు 2: వన్యప్రాణులను కాపాడుకోవాల్సిన బాధ్యత మనందరిపై ఉందని డీఎఫ్‌వో అనంతశంఖర్‌ అన్నారు. ఇందిరాగాంధీ జంతు ప్రదర్శనశాలలో ఆదివారం నుంచి ప్రారంభమైన వన్యప్రాణి వారోత్సవాలను క్యూరేటర్‌ డాక్టర్‌ నందనీ సలారియాతో కలిసి ఆదివారం ఆయన ప్రారంభించారు. ఈ సందర్భంగా మాట్లాడుతూ వన్యప్రాణులపై ప్రతి ఒక్కరికీ అవగాహన కలిగించడానికి ఈ వారోత్సవాలు ఎంతో ఉపయోగపడతాయన్నారు.

క్యూరేటర్‌ మాట్లాడుతూ ఏటా అక్టోబరు 2 నుంచి వారోత్సవాలు నిర్వహిస్తున్నామని, ముఖ్యంగా అంతరించిపోతున్న జాతులను రక్షించుకునేందుకు మనవంతు బాధ్యతగా ప్రజల్లో అవగాహన కల్పించేందుకు ఈ వారోత్సవాలు ఎంతో ఉపయోగపడతాయన్నారు. తొలిరోజు కార్యక్రమంలో పలువురు చిన్నారులు ఉత్సాహంగా పాల్గొన్నారు. కాగా, వారోత్సవాలు సందర్భంగా మాధవధార మహిళా వాకర్స్‌ క్లబ్‌ నిర్వాహకులు ఐదు నెమళ్లను ఏడాదిపాటు దత్తత తీసుకుని, అందుకు సంబంధించిన నగదు క్యూరేటర్‌కు అందించారు.