పశువులకు మేతగా టమోటా

ABN , First Publish Date - 2022-08-25T08:55:53+05:30 IST

పశువులకు మేతగా టమోటా

పశువులకు మేతగా టమోటా

గోనెగండ్ల, ఆగస్టు 24: టమోటా రైతులకు మళ్లీ కష్టాలు మొదలయ్యాయి. పంటకు గిట్టుబాటు ధర రావడం లేదు. దీంతో రైతులు తాము పండించిన పంటను రోడ్ల పక్కన పారబోస్తున్నారు. మరికొం దరు పశువులకు మేతగా వేస్తున్నారు. తాజాగా కర్నూలు జిల్లా గోనెగండ్లకు చెందిన రైతు రాముడు కూడా ఇదే పని చేశాడు. రాముడు రెండెకరాలలో టమోటా సాగు కోసం రూ.1.50 లక్షలు ఖర్చు చేశాడు. ప్రస్తుతం టమోటా ఒక్కో బాక్సు రూ.110 పలుకు తోంది. అన్ని ఖర్చులూ పోనూ రూ.10 కూడా మిగిలేలా కనిపించ డం లేదు. దీంతో చేసేది లేక పంటను కోసి... కొంత రోడ్డు పక్కన పారవేశాడు. మరికొంత పంటను పశువులకు మేతగా వేస్తున్నాడు.

Read more