ప్రతి గ్రామంలో చెరుకు ఆధారిత పరిశ్రమలు
ABN , First Publish Date - 2022-09-30T04:40:16+05:30 IST
ఫుడ్ ప్రాసెసింగ్ సొసైటీ ద్వారా ప్రతి గ్రామంలో చెరుకు ఆధారిత పరిశ్రమలు నెలకొల్పుతామని డీఆర్డీఏ పీడీ తులసి తెలిపారు.
సోమల, సెప్టెంబరు 29: ఫుడ్ ప్రాసెసింగ్ సొసైటీ ద్వారా ప్రతి గ్రామంలో చెరుకు ఆధారిత పరిశ్రమలు నెలకొల్పుతామని డీఆర్డీఏ పీడీ తులసి తెలిపారు. గురువారం సదుం మండల మహిళా సమైఖ్యలో చెరుకు రైతుల అవగాహన కార్యక్రమం నిర్వహించారు. చెరుకు రసం నుంచి బెల్లం పొడి, పానకం, క్యూబ్స్, చెక్కీలు, బిస్కెట్లు తయారు చేయవచ్చని, దీనిపై శిక్షణ ఇస్తామన్నారు. వీటితో పాటు మురుకులు, చెక్కిలాలు, పాలకోవా తయారు చేసుకోవడానికి ఫుడ్ ప్రాసెసింగ్ సొసైటీ అవకాశం కల్పిస్తుందని తెలిపారు. రుణాల్లో 35శాతం సబ్సిడీ ఉంటుందని తెలిపారు. సమావేశంలో డీపీఎం వెంకటేశ్, మధుసూదన్, వెలుగు ఏపీఎం, సీసీలు, మహిళా సంఘ ప్రతినిధులు పాల్గొన్నారు.