నేడు విజయదశమి

ABN , First Publish Date - 2022-10-05T04:57:51+05:30 IST

తెలుగువారి ప్రధాన పండుగల్లో ఒకటైన విజయదశమిని బుధవారం ఉమ్మడిజిల్లా వాప్తంగా జరుపుకోనున్నారు. ఇది ముఖ్యంగా శక్తి ఆరాధనకు ప్రాధాన్యతనిచ్చే పండుగ. తొమ్మిది రోజులపాటు అమ్మవారిని రోజుకొక అలంకారంలో పూజించిన తర్వాత విజయదశమినాడు దసరా పండుగను జరుపుకోవడం ఆనవాయితీగా వస్తోంది

నేడు విజయదశమి
పూజాసామగ్రిని కొనుగోలు చేస్తున్న ప్రజలు

అనంతపురం కల్చరల్‌, అక్టోబరు 4: తెలుగువారి ప్రధాన పండుగల్లో ఒకటైన విజయదశమిని బుధవారం ఉమ్మడిజిల్లా వాప్తంగా జరుపుకోనున్నారు.  ఇది ముఖ్యంగా శక్తి ఆరాధనకు ప్రాధాన్యతనిచ్చే పండుగ.  తొమ్మిది రోజులపాటు అమ్మవారిని రోజుకొక అలంకారంలో పూజించిన తర్వాత విజయదశమినాడు దసరా పండుగను జరుపుకోవడం ఆనవాయితీగా వస్తోంది. జగన్మాత అయిన దుర్గాదేవి మహిషాసురుడనే రాక్షసుడితో 9 రోజులు 9 రూపాల్లో యుద్ధం చేసి, అతడిని వధించిన సందర్భంగా 10వ రోజున ప్రజలంతా సంతోషంగా పండుగను జరుపుకుంటారు. అదే విజయదశమి. విజయదశమిని పురస్కరించుకుని మంగళవారం పండుగ సరుకుల కొనుగోళ్లు, ప్రజల షాపింగ్‌లతో నగరమంతా కిటకిటలాడింది. పూలు, పండ్లు, మామిడాకులు, టెంకాయలు, అరటి పిలకలు తదితర సామగ్రి కోనుగోళ్ల నేపథ్యంలో పాతూరులోని రోడ్లన్నీ కిక్కిరిసిపోయాయి.  మంగళవారం ఉదయం ఆయుధపూజ సందర్భంగా వాహనాలు, యంత్రాలతోపాటు వ్యవసాయ పరికరాలకూ పూజలు నిర్వహించారు.


Read more