రైలు కింద పడి వ్యక్తి ఆత్మహత్య
ABN , First Publish Date - 2022-01-01T05:19:19+05:30 IST
జిల్లా కేంద్రంలోని అర్ష గురుకులం సమీపం లో గుర్తు తెలియని వ్యక్తి రైలు కింద పడి ఆత్మహత్య చేసుకున్నట్లు రైల్వే ఎస్ఐ తావునాయక్ తెలిపారు.
కామారెడ్డి, డిసెంబరు 31: జిల్లా కేంద్రంలోని అర్ష గురుకులం సమీపం లో గుర్తు తెలియని వ్యక్తి రైలు కింద పడి ఆత్మహత్య చేసుకున్నట్లు రైల్వే ఎస్ఐ తావునాయక్ తెలిపారు. మృతుడి వయస్సు దాదాపు 32 సంవత్సరాలు ఉంటుందని, చామన్చాయతో గడ్డం కలిగి ఉన్నాడని తెలిపారు. వివరాలకు రైల్వే పోలీసులను సంప్రదించాలని సూచించారు.
ప్రమాదంలో యువకుడికి గాయాలు
తాడ్వాయి, డిసెంబరు 31: మండలంలోని ఎర్రపహడ్ గ్రామ శివారులో ఎల్లారెడ్డి, కామారెడ్డి రోడ్డుపై గురువారం రాత్రి జరిగిన రోడ్డు ప్రమాదంలో ఓ యువకుడు తీవ్రంగా గాయపడ్డాడు. మాచారెడ్డి మండలంలోని మంథని దేవునిపల్లి గ్రామానికి చెందిన ఒగ్గు దర్మపూరి పనికోసం ఉదయం గ్రామం నుంచి లింగంపేటకు బైక్పై వెళ్లాడు. తిరిగి దేవునిపల్లికి వెళ్తుండగా బైక్ అదుపుతప్పి చెట్టును ఢీ కొట్టాడు. దీంతో తీవ్ర గాయాలయ్యాయి. స్థానికులు 108 అంబులెన్స్లో కామారెడ్డి ఆసుపత్రికి తరలించారు.
