అందమైన ఆంధ్రప్రదేశ్‌కు స్వాగతం.. సుస్వాగతం..

ఆద్యంతం ఆసక్తికరం.... 'అనంత' విహారం - అనంతపురం

ఆంధ్రప్రదేశ్‌లో వైశాల్యపరంగా అతి పెద్ద జిల్లా అయిన అనంతపురం చరిత్ర కూడా ఘనమైనదే. వారసత్వ సంపదకూ, దట్టమైన పచ్చని చెట్ల మధ్య ఎత్తయిన కొండల నడుమ నుంచి జాలువారే జలపాతాలకూ, ఆధ్యాత్మిక పరిమళాలను పంచే ఆలయాలకూ అనంతపురం పెట్టింది పేరు. శిల్ప కళాచాతుర్యానికి ప్రతిబింబమై, దేశంలోని నూట ఎనిమిది శైవ క్షేత్రాల్లో ఒకటైన లేపాక్షి, కంబదూరు గ్రామాలు ఈ జిల్లాలోనే ఉన్నాయి. శ్రీకృష్ణదేవరాయల వేసవి విడిదిగా, విజయనగర సామ్రాజ్యపు రెండో రాజధానిగా వెలుగొందిన పెనుగొండ దుర్గం, నూటొక్క బావుల గుత్తి కోట తదితర చారిత్రక పర్యాటక కేంద్రాలెన్నో అనంతపురం జిల్లాలో ఉన్నాయి. జిల్లా కేంద్రమైన అనంతపురం పట్టణానికి ఆ పేరు రావడానికి కారణమైన పురాతన అనంతసాగరం చెరువు ఎంతో చరిత్రకు సాక్ష్యంగా నిలిచింది.

అనంతపురం జిల్లాలో ప్రకృతి సౌందర్యానికి ఆలూరుకోన కొండలు నెలవై ఉన్నాయి. కొండ పైభాగాన 400 ఏళ్లకు పైబడిన చరిత్ర గల హజీ వలీ దర్గా ఉంది. జలపాతాలతో అలరారుతున్న ఈ ప్రాంతం ఆహ్లాదానికి పెట్టింది పేరుగా నిలిచింది. ఇక కదిరి రేంజ్‌ ఫారెస్ట్‌లో అనంతపురం జిల్లాలోనే అతి పెద్దదైన బట్రేపల్లి జలపాతం ఉంది. ఇలాంటి ఎన్నెన్నో సహజ సౌందర్య ప్రదేశాలను అనంతపురం జిల్లాలో తిలకించవచ్చు. తెలుగు భాషలో పద్య సాహిత్యానికి తలమానికమై నిలిచి, తెలుగు నేలలోని ప్రతి ఇంటా నోరారా ఆలపించే వేమన పద్యాలను మనకందించిన వేమన కవి సమాధిని జిల్లాలోని కటారుపల్లిలో దర్శించవచ్చు. మరిన్ని విశేషాలు

పశ్చిమ గోదావరి

తూర్పు గోదావరి

నవ్యాంధ్ర అమరధామం

కృష్ణా

విజయనగరం

విశాఖపట్టణం జిల్లా