బీట్‌రూట్‌ రైస్‌
కావలసినవి
బీట్‌రూట్‌ - ఒకటిన్నర కప్పు (సన్నగా తరిగి), అన్నం- రెండు కప్పులు, పచ్చిమిర్చి - రెండు, ధనియాల పొడి, జీలకర్ర - ఒక్కో టీస్పూన్‌ చొప్పున, పచ్చి బఠాణీలు - ఒక కప్పు, కొత్తిమీర - ఒక కట్ట, నెయ్యి - ఒక టేబుల్‌స్పూన్‌, ఉప్పు - రుచికి తగినంత.

తయారీ విధానం

తరిగిన బీట్‌రూట్‌ను ఉడికించాలి. తరువాత ఉడికించిన నీళ్లని ఒకపాత్రలోకి వంపి పక్కన పెట్టాలి.
పాన్‌లో కొంచెం నెయ్యి వేసి వేడిచేశాక జీలకర్ర వేయాలి. తరువాత పచ్చిమిర్చిని సన్నగా తరిగి దాన్ని కూడా వేసి వేగించాలి. ఆ తరువాత ఉడికించి, వడకట్టిన బీట్‌రూట్‌ని వేసి గరిటెతో కలపాలి.
ధనియాల పొడి, పచ్చి బఠాణీలు వేసి, సన్నగా తరిగిన కొత్తిమీర వేసి కలపాలి. తరువాత ఉప్పు వేయాలి.
ఈ మిశ్రమంలో అన్నం, బీట్‌రూట్‌ నీళ్లు పోసి కలపాలి. కాసేపయ్యాక స్టవ్‌ ఆపేసి పైనుంచి కొంచెం నెయ్యి వేసి వేడివేడిగా తింటే రుచిగా ఉంటుంది.
ఈ రోజు స్పెషల్ వంటకం
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
digitalsales@andhrajyothy.com
Copyright © and Trade Mark Notice owned by or licensed to Aamodha Publications PVT Ltd.
Designed & Developed by AndhraJyothy.