తెలుగు అసోసిఏషణ్ అఫ్ గ్రేటర్ చార్లెట్ (టి ఎ జి సి ఎ ) వారు తమ 5 వ వార్షిక వన భోజనాల కార్యక్రమాన్ని జూన్13 న ఫ్రాంక్ లిసా పార్క్ లొ దిగ్విజయంగా నిర్వహించారు. ఈ కార్యక్రమం లొ దాదాపుగా 250 మందికి పైగా తెలుగు వారు పాల్గొన్నారు.

టి ఎ జి సి ఎ ఆక్టివిటీస్ కమిటీ వాలంటీర్ల సహాయంతో నిర్వహించిన మ్యూజికల్ చైర్స్, వాలీబాల్ , క్రికెట్ తదితర ఆటల పోటీల్లో చిన్న పెద్దా తారతమ్యం లేకుండా అందరూ కూడా ఉత్సాహంగా పాల్గొన్నారు. భావి పౌరలంతా కూడా క్రికెట్ మీద అత్యధిక ఆసక్తిని కనపరిచారు. అనేక మంది వాలంటీర్లు పలు రకాలైన వంటకాలతో వచ్చిన వారందరికీ పసందైన భోజనాన్ని సమకూర్చారు.

ఈ కార్యక్రమాన్ని పురస్కరించుకుని టి ఎ జి సి ఎ కాండ్ ఫుడ్ డ్రైవ్ ని నిర్వహించిది. కార్యక్రమానికి హాజరైన తెలుగు వారు సుమారుగా 2000 ఫుడ్ కాన్స్ ను విరాళంగా సమర్పించారు. సేకరించిన కాన్స్ అన్నిటినీ కమిటీ 'సెకండ్ ఫుడ్ హార్వెస్ట్ బ్యాంకు ' కు పంపించింది.