ఆఫ్ఘనిస్థాన్‌కు పాక్ అల్టిమేటం!
ఖమ్మం జిల్లాలో రేపు అన్ని మండల కేంద్రాల్లో మిర్చి రైతులకు మద్దతుగా ఆందోళనలు: తమ్మినేని వీరభద్రం     |     తెలంగాణ బీఏసీ సమావేశం, భూసేకరణ బిల్లు సవరణల కోసం రేపు అసెంబ్లీ ప్రత్యేక సమావేశం      |     తూ.గో: తునిలో ఈదురు గాలులతో కూడిన వర్షం     |     శ్రీశైలంలో వడగళ్లవాన     |     యాదాద్రి భువనగిరి: దేశంలో ఏ ప్రభుత్వం ఇవ్వని విధంగా రైతులకు రాయితీలు ఇస్తున్నాం: మంత్రి పోచారం      |     గుంటూరు: ఈపూరు మండలం ఉప్పాళ్లలో విషాదం, బావిలో ఈతకు వెళ్లి ముగ్గురు విద్యార్థులు మృతి     |     ఈ ఏడాది మిర్చి దిగుబడి పెరిగింది, మిర్చి పంటకు గిట్టుబాటు ధర కోసం కేంద్రంపై ఒత్తిడి తెస్తున్నాం- తుమ్మల     |     వాల్‌మార్ట్- తెలంగాణ ప్రభుత్వం మధ్య ఎంవోయూ, పాల్గొన్న మంత్రి కేటీఆర్, వాల్ మార్ట్ ప్రతినిధులు      |     విద్యాసాగర్‌రావు మృతికి ఎల్ రమణ, రేవంత్ సంతాపం     |     సీఎల్పీ కార్యాలయంలో జానారెడ్డిని కలిసిన బీజేఎల్పీ నేత కిషన్‌రెడ్డి     
ఆఫ్ఘనిస్థాన్‌కు పాక్ అల్టిమేటం!
17-02-2017 19:44:37
ఇస్లామాబాద్: ఆఫ్ఘనిస్థాన్‌కు పాకిస్థాన్ అల్టిమేటం జారీ చేసింది. పాకిస్థాన్ ఆర్మీ శుక్రవారం 76 మంది మోస్ట్ వాంటెడ్ ఉగ్రవాదుల పేర్లను ఆఫ్ఘనిస్థాన్‌ రాయబార కార్యాలయానికి అందజేసింది. వెంటనే వారిపై చర్యలు తీసుకోవాలని డిమాండ్ చేసింది. దేశంలో గురువారం జరిగిన భారీ ఆత్మాహుతి దాడి నేపథ్యంలో పాకిస్థాన్ చర్యలకు ఉపక్రమించింది. పాకిస్థాన్ ప్రధాని నవాజ్ షరీఫ్‌కు విదేశీ వ్యవహారాల సలహాదారు సర్తాజ్ అజీజ్ ఆఫ్గనిస్థాన్ భద్రతా సలహాదారు హనీఫ్ అత్మార్‌కు ఫోన్ చేసి మాట్లాడారు. పాకిస్థాన్‌లో జరిగిన దాడితో సంబంధం ఉన్న ఉగ్రవాదులపై వెంటనే చర్యలు తీసుకోవాలని కోరారు. ఆఫ్ఘనిస్థాన్‌ రాయబార కార్యాలయానికి చెందిన ఓ అధికారిని రావల్పిండిలోని మిలటరీ హెడ్‌క్వార్టర్స్‌కు పిలిపించిన పాక్ అతడికి 76 మంది మోస్ట్‌వాంటెడ్ ఉగ్రవాదుల పేర్లు ఉన్న జాబితాను అందించింది. జాబితాలో సూచించిన ఉగ్రవాదులపై వెంటనే చర్యలు తీసుకోవడమో, తమకు అప్పగించడమో చేయాలని కోరింది.
 
పాకిస్థాన్‌లోని వివిధ ప్రాంతాల్లో తరచూ జరుగుతున్న ఉగ్రదాడుల్లో విలువైన ప్రాణాలు పోతున్నాయని పాకిస్థాన్ విదేశాంగ శాఖ కార్యాలయం ఓ ప్రకటనలో పేర్కొంది. ఈ కారణంగా ప్రభుత్వం, ప్రజలు తీవ్ర వేదనలో ఉన్నారని తెలిపింది. పాక్‌లో జరుగుతున్న దాడుల వెనక జమాత్ ఉల్ అహ్రార్(జేయూఏ) ఉందని అజీజ్ ఉన్నారని హనీఫ్‌కు అజీజ్ తెలిపారు. ఆఫ్ఘనిస్థాన్‌కు అందించిన జాబితాలోని ఉగ్రవాదులపై వెంటనే చర్యలు తీసుకోవాలని లేదంటే తమకు అప్పగించాలని ఇంటర్ సర్వీస్ పబ్లిక్ రిలేషన్స్ డైరెక్టర్ జనరల్ మేజర్ జనరల్ అసిఫ్ గఫూర్ డిమాండ్ చేశారు.